昨日因為趕住出門，未有時間整理埋英國最貴租地區，今次補充番，愛丁堡蟬聯蘇格蘭最貴租地方，市中心一房單位平均月租八百多鎊，同時亦都打入英國十大之列，比曼城更貴租。
Karpiak Caravan日前發佈的研究，選出英國十大最貴租熱門地區，其中以敦倫排頭位，市中心一房單位月租接近1,700鎊，而愛丁堡排第八，月租約八百三，雖然低過敦倫一半，但普通人家都唔易捱。
最貴租熱門地區，蘇格蘭只有愛丁堡入十大，相反，最平租都有兩個城市入圍，分別是Dundee及Aberdeen，蘇格蘭第四大及第三大城市。
圖1：英國十大租金最貴熱門地區（資料：轉載Karpiak Caravan研究)
圖2：英國十大租金最平熱門地區
比較昨日提到的10大最平租地區，貴租及平租地區，租金真的相差好遠。倫敦3個月租金，可以在蘇格蘭第4大城市Dundee的市中心住11個月😱！租住Dundee市郊，更可以住足一年！
不過，貴租地區當然有一定吸引力，否則都撐唔起高樓價。吸引力可能係就業機會、交通、升學、治安、環境等等因素，不過，未必人人需要住得咁貴，如果好似香港咁，長期為業主或地產商打工，咁對生活質素有影響。
經過近個多月來走訪不同的城市，又跟一些本地人及香港朋友傾談，對 “宜居”及選擇居住地點要求，開始有點不同的感受。
正如之前提過， “可負擔”、”宜居” 跟 “開心指數高”的居住地，可能講緊不同的條件，留番日後慢慢分享睇法，其實今次的行程只過咗一半，可能仲會有不同的體會。
