記得一年多前從香港來到愛丁堡，跟朋友全速搵樓，花了不足一個月便找到一個近市中心的apartment。當時仲有兩個業主同時提供offer，沒料到事隔一年多之後，世界唔同咗。
今次我自己出來搵地方住，但愛丁堡整個租屋市場唔同咗，供求極不平衡，明顯地成為業主的天堂。租金升了，地產經紀亦冇咁熱情。
曾經嘗試搵一房的單位，在一些較好的區份如Trinity、Comely Bank、Morningside等，月租約800鎊，入去Viewing見到普遍是細單位，開放廚房，只有細雪櫃，連冰箱都放唔落、冇提供。這都未算，搵屋過程好似玩競逐遊戲要鬥快，租客們被安排同一時間在樓下等，逐個排隊上去睇樓，等的時候四目交投、互相打量一下，大家都知對方是競爭對手，試過等的過程仲分享下搵屋資料😅。
原先移居英國的構想，會考慮埋Glasgow，但因疫情關係，最後冇過去Glasgow。在最近的環境下，似乎是一個好好的時機，遊走蘇格蘭不同地方感受下，做多點research，這就是今次行程的由來。
蘇格蘭也有好多靚城市
不得不承認愛丁堡這個城市是非常有吸引力，同居住在愛丁堡的朋友傾偈，差不多人見人讚，不過在作出長期居住的決定時候，或者能夠探訪不同的城市，再比較一下，也不是一件壞事，況且亦都可以趁這個機會認識蘇格蘭多一點。
今次目標遊走愛丁堡以外蘇格蘭大城市：Glasgow、Aberdeen及Dundee，期間不少朋友又俾咗意見，不少其他城市都好好，例如Stirling、Fife、Perth等。所以我都盡可能加咗入我行程之內，當然還包括想去旅行好耐的旅遊熱點，一一都唔想放過😅。
或者大家未必聽過晒上述的地方，其實我都係，嚟咗一年幾未出過門🤫，直至疫情的限制全部解封了，先至四圍去。
如果大家有好的建議，歡迎提供🙇🏼
歡迎追縱個人的Facebook或Instragam
