通脹升溫，錢越來越唔見洗，所以都要絞盡腦汁慳得一蚊得一蚊(好似深水埗兩蚊店的錄音廣播🤣)，應該係慳得一鎊得一鎊。如果你係Tesco粉絲，有個慳錢機會可能好多人冇留意。
我以前住的舊居，附近有一間頗大間的Tesco，所以我經常都會幫襯，仲會下載埋佢嘅手機程式Clubcard，因為有咗呢app，就可以用到超級市場的減價優惠。另一方面除咗減價優惠之外，仲可以儲積分，當其時我都經常儲到唔少分數，折現做現金在超市買野。
最近先發現，原來Tesco的優惠，除了用積分換現金之外，仲可以用積分換代用券，仲係一比三的比例，例如用50P，可以換到1.5鎊的代用券。
方法：
- 下載Tesco的Clubcard app.到手機
- 買野付賬記得打開Clubcard去do一下，慢慢儲分。
- 儲到咁上下，夠三鎊可以兌現做Vouchers.
- 在Clubcard app內, 下面的欄目打開 “Rewards”
- 可以見到唔同嘅rewards，好似可以用50P換Pizza Express的1.5鎊代用券。或者6鎊換Disney+ 的18 鎊代用券，即三個月的訂閱服務。另外仲有Hotel.com的代用券選擇，相信好似我咁喜歡去旅行都會考慮下。
大家如果儲夠積分，唔使急在超市當現金用咗佢，可以善用埋呢個優惠，50p可以去餐廳食咗佢。
利申：非廣告，純分享，剛發現未用過但夠分會用🤓。
相關文章：
