大家喺香港的時候，居住邊一區呢？當初又點解揀嗰度住？過嚟英國會唔會又係用差不多標準去挑選自己心儀的宜居之地？
蘇格蘭有8個城市，每個城市都好唔同，幾個月前的《蘇格蘭之旅》，有幸在60天內，一口氣探訪晒這些地方，得了一些初步的印象，今次就作一個好粗略(真係好粗略)的比喻，方便大家易啲了解蘇格蘭主要城市的特色。
香港區區有特色 蘇格蘭城市都一樣
香港每一區都有個特色，例如尖沙咀區、中環區，油尖旺，旺角、深水埗、觀塘，以及新界的沙田、荃灣等等，每一區的人口結構、樓價、治安、校網都有明顯分別。
以中環為例，呢區市中心的中心，政府總部，又係旅遊區，交通方便，有甲級寫字樓、文化中心，高檔的購物商場，租金都唔會平。
旺角區則人口密度高，交通方便，比較容易搵到工作，區內設施非常齊備，有酒吧，有花園街的平民購物街，又有好多年青聚集的商場，食肆又多，生活多姿多彩。不過在這裡居住品流會比較複雜，治安麻麻，租金不會太平，但都低過尖沙咀、中環。
我以前住係馬鞍山，地方偏遠一啲但租金平啲，人口冇咁多，治安唔錯，空氣又好啲，設施和對外交通當然冇市中心咁齊備和方便。
至於九龍塘，這裡屬於中產的住宅區，交通方便，設備也齊全，不過就業機會唔多，要去到市中心工作，但這區居住環境舒適，有不少名校，適合子女讀書求學，找一間好的學校升學。
住得香港耐一啲，其實大家都可以講得出每區的特色，如果將蘇格蘭各大城市，配對在香港各區的特質身上，又係點？
- 格拉斯哥：旺角
- 愛丁堡：中環
- Aberdeen：馬鞍山
- Dundee：深水埗
- Dunfermline：九龍城
- Inverness：西貢
- Perth：赤柱
- Stirling：九龍塘
大家覺得我的比喻如何？你哋又點睇。
圖： 蘇格蘭八大城市
相關文章：
