尋找移居之地的時候，我哋好多時著眼點放在樓價，因為住居一般佔日常生活開支一個大比重。最理想當然搵一個負擔得到：平、靚、大的地方，一家人住得舒舒服服。不過大家做研究時，要搞清楚一點：可負擔及低樓價地方，可以是兩回事，唔好搞錯，免得做錯決定。
舉一個簡單的例子，如果一個地方，一房單位月租£500，另一個地方是£800，我哋選擇落腳地點的時候，可能被£500月租的地方吸引。不過這樣的比較實在太過簡單。
如果一個地方，就要就業環境理想，工作機會多，人工又好，那個地方的平均每月人工是£2,800磅，月租£800，只佔人工的28.5%。
另一個平租市鎮，平均月薪只是£1,500，咁£500的租金，佔咗佢人工的33%，其實負擔係重咗。
如果我哋移居到英國，著眼點放在租金平，而去揀一個偏遠地方，經濟弱、就業機會低，又因此搵唔到自己本身技能的工作，逼於轉搵啲唔使經驗，人工低的職位，這樣收入低，租金平，可能可負擔的能力都係低。
這是一個大家要考慮的地方。尋找宜居之地，要平衡人工、就業機會，以及住屋的生活條件。
相關內容
英國10大貴租城市 愛丁堡有份
*** *** *** *** ***
[蘇格蘭之旅。尋找宜居之地]系列
記得follow埋我嘅facebook專頁😊
*** *** *** *** ***
