收到ScotRail傳來的電郵，提醒話6月21號起，因為有大罷工，火車班次會大受影響。其實火車因為人手不足而取消班次，我都領教過唔少，今次分享下要求回水的體驗。
早在五月的一個星期日，由於要一清早從格拉斯哥返回愛丁堡， 所以預早訂了火車的來回票約十多鎊。到當日臨出門口的時候，習慣上檢查一下火車的班次，突然間發覺佢地連續三班去愛丁堡的火車都取消咗，這樣就迫於改搭巴士。
格拉斯哥往返愛丁堡的巴士班次頻密，網上早一小時預訂更加便宜，一般不是繁忙的時段只不過是3.6英鎊，另加一鎊訂票手續費，所以今次火車脫班對我未有造成太大影響。
我在手機訂火車飛的，因為無法上車，所以沒有activate車票，以便回水(refund). 本以為追番refund容易，首先去到火車站同佢地講， 佢哋話網上訂票唔關佢哋事，之後我嘗試在手機上按下refund的鍵盤，之後收到電郵話冇記錄所以我未合資格。 我又鍥而不捨，直接打電話去問，點知客戶服務部話佢哋做唔到，要求我send電郵去對外關係科。
越追唔到，我越有決心繼續去做💪🏻，寫了封信去公共關係科，俾埋cap出來的手機圖，包話車飛及佢取消班次的cap圖，終於佢地話同我搞，叫我俾銀行戶口佢地過數。
整個過程其實都花咗一輪的工夫😫。不過錢是自己，一蚊都係自己錢，點都追💪🏻。
除咗追火車費外，我都試過追取消航班的賠贘，金額仲多過我訂的機票錢，日後再分享。
