通脹升溫，今年蘇格蘭主要城市的租金真係唔知會升幾多，不過睇番政府嘅數據，過去十年多，原來有啲地方，平均每年租金差唔多冇乜點升，呢個地方就係Aberdeen及 Aberdeenshire。 唔怪得上網睇搵樓網站，Aberdeen租金會咁吸引。
如果計算番通脹數字，Aberdeen及Aberdeenshire這區的實質租金是不升反跌！
蘇格蘭政府的統計資料顯示，從2010年到2021年（截至9月底的年份），13年間各區域2房單位平均租金中，以Aberdeen及Aberdeenshire這帶的平均每年租金增幅最低，只得0.1%，比呢段期間平均2%的通脹還要低。部份原因可能受到早幾年的經濟低迷及疫情打擊影響。
平均每年租金升得最多的地方，大家應該估得到，係包括格拉斯哥在內的大格拉斯哥（3.2%），以及包括愛丁堡在內的 Lothian（3.2%）。
圖：從2010年到2021年蘇格蘭各區域租金升幅
值得指出，政府呢啲統計，主要參考租盤推出時嘅廣告租金，所以數字只供參考。
2022年通脹高處未算高，加上走出了疫情的困擾，經濟及旅遊業反彈，預期連Aberdeen的租金，升幅可能都會高過往來的數字。
