愛丁堡是一個吸引的城市，完善的對外對內交通，有深厚的歷史文化，保留眾多歷史建築物，綠色地帶又多，又多博物館，一到藝穗節藝及聖誕節，你會深深感受到這個城市的活力。
不過，這些美好的條件要付出代價的，包括想搵地方租住，比以前真的難好多，租金持續上升，又是煩惱😣問題。
早前分享過租屋的經驗，想搵到一個價錢合理、地點適中，租屋的時候動作要快，出盡八寶去 “爭”。
這個城市房屋供應真的出現了頗不平衡的境地。一有租盤出，慢啲動作都唔使旨意有回音。同時地產代理已經唔憂做，感覺上是你求佢，多過佢求你，睇樓時都唔會特別招呼你。
凝聚力強的城市
今次蘇格蘭之旅令我感受到愛丁堡另一個難搵屋租的原因，就是它的凝聚及吸引力太大， 它不單是一個國際的旅遊城市，完善的交通、配套及較多就業機會，吸引了周邊地方居住的人過來工作，加上愛丁堡大學排名在英國前5位，吸引一眾外來學生從四方八面來求學。小小的一個城市，怎不會出現住屋求過於供的情況？
就以我在Fife停留期間，住的Airbnb的boiler有問題，屋住親自上來維修，順便傾兩句，原來佢都喺愛丁堡工作，所以在愛丁堡租了一個單位，保留Fife的自住單位作Airbnb來增加收入。Fife多個地方距離愛丁堡火車車程約一小時，十分方面。
此外，我在Aberdeen住的Airbnb，亦曾跟房東太太傾過電話，亦得知佢嘅仔也在愛丁堡有樓。
業主天下 短租好賺過長租
當英國各地走出疫情的陰霾，經濟及旅遊業反彈，愛丁堡這個城市變得更加熱鬧。這麼受歡迎的城市，買樓作為Airbnb或短租，回報率比長租更加吸引，出租率高，同時又不怕遇上租霸。就作一個簡單的計算：
一個市中心一房長租單位，月租800多鎊，加埋council tax、能源費及上網費，開支共約1200鎊，作Airbnb，閒閒地隨時可月租2000鎊或以上租出，比長租回報至少多出60%以上。租唔出自己得閒住番都唔錯🤪，況且以現時咁好境，出租率八、九成都唔出奇！
圖：愛丁堡一房單位Airbnb月租價錢
記得一年前我住舊居時，市中心兩房單位月租唔使一千鎊， 隔離大廈地下一房單位，只供短租，月租2000磅一個月，市旺短租好賺過長租，即使係八折入住率都賺多唔少。
蘇格蘭通過新的條例， 加強對Airbnb的監管，由2024年7月1日開始，經營Airbnb需要領牌，不過， 這都未必容易解決租住難的問題。
當經濟、旅遊業復甦的時候，這個國際都會、旅遊城市，吸引了眾多旅客、來工作的人從四面八方過來，住屋的需求都難以滿足，話就話愛丁堡只有50多萬人口，但加埋外來人，住屋需求遠超這個數字。
*** *** *** *** ***
推介文章：
🔥 [尋找蘇格蘭宜居之地]愛丁堡搵地方租唔容易
🔥 蘇格蘭三大城市逐個數
🔥英國10大貴租城市 愛丁堡有份
*** *** *** *** ***
[蘇格蘭之旅。尋找宜居之地]系列
記得follow埋我嘅facebook專頁😊
