記得多年前去尼泊爾旅行時，經過山區一間小型咖啡室，入去飲咖啡，發現店主是從歐洲來、上了年紀的女士，她靜靜地坐在咖啡的一角，好像整理緊店舖的業務，之後我不停唸，日後退休去山區開咖啡店也許幾逍遙。
多年後的今天，去到希臘高區將小住兩個星期，又令到我想起這個念頭，不過人年紀大了，要顧慮的事情多了，現實就是現實。
這山區唔易去，從希臘雅典要搭兩小時船，再坐40分鐘的士上山才到達。一到達就有一群小動物，包括驢仔、狗狗及半驢半馬的mix等來來迎接，遠遠仲有幾隻有性格的貓。往後的兩星期，我哋就係鄰居😊。
第一日到達，就認識好多狗狗朋友，有好黐身的Jenny, 有 Boris Johnson 髮型的Boris, 有慢熱的Max， 有唔採佢會發脾氣的…, 好多名記唔晒🤪，呢度總數有30隻狗仔，隻隻都乾乾淨淨，有人關心、有人打理。
圖：中間是Boris Johnson的Boris，仲有好黐人的Jenny, 以及大大隻好似好惡，但兩分鐘就熟絡的大黑狗。
圖中沒有入鏡的是佢哋主人Sandy，來自英國，日後有時間會介紹下佢的傳奇故事。
[希臘山區之旅]系列
記得follow埋我嘅facebook專頁😊
