2020年底月我離開咗香港移居英國，在選擇落腳點嘅時候研究咗好耐，最後選擇左愛丁堡。
在揀選一個落腳地方，好多人有不同準則，有人把重點放喺易唔易搵工，有人就著眼子女教育，亦都有人最想住近啲親戚朋友，對我來講，重要嘅準則就係一個幽靜嘅地方，方便、生活開支唔好太貴，呢啲就係好現實嘅準則。
我從未去過愛丁堡，英國我只係去咗倫敦三次，對愛丁堡完全冇印象，只從網上蒐集資料時先有多一啲嘅認識，例如過愛丁堡係愛爾蘭第二大嘅城市，亦都有人話佢係歐洲最美麗嘅城市之一，而放在我眼前的就是倫敦之外嘅另一個選擇。
倫敦對我來講太貴、太擠擁，我想揀選一個比較幽靜嘅地方，做咗網上嘅資料蒐集之後，決定嚟愛丁堡睇一睇，除咗愛丁堡，當其時仲考慮格拉斯哥(Glasgow)，蘇格蘭第一大城市。
理性上，我初期比較偏好格拉斯哥，因為生活指數相對比較低，愛丁堡屬於一個旅遊城市，生活開支及租金比較高。原本打算過來英國初期，先去愛丁堡落腳，住兩星期，再去格拉斯哥睇睇，不過由於當其時嚴厲的防疫措施， 要穿州過省去格拉斯哥困難重重，終於暫時留喺愛丁堡落腳。
五個原因我選擇愛丁堡居住
住落初期感覺上愛丁堡係一個唔錯嘅城市，但冇一個特別要留低住嘅感覺。不過可能日久生情，住耐咗開始發覺佢好多唔錯嘅地方，令到我產生興趣，以下就係五個地方，我留低係愛丁堡居嘅原因：
1. 愛丁堡人友善
去過倫敦幾次，感覺上大似香港，城市人總是缺乏一點耐性，雖然說不上是種族歧視，但感覺上有一種隔離感。來到愛丁堡，無論是鄰居、店舖售貨員，還是巴士司機，整體來說都非常友善、有禮，感覺良好。
2. 地方細細 五臟俱全
愛丁堡是一個並不大的城市。細城市有一個好處，就是你比較容易掌握，當你在頭一個月，四處周圍去搵樓、搵地方租住，好快你已經熟絡左這個地方。
3. 治安好
愛丁堡治安唔錯，天黑人少但出街唔太擔心，去夜街最擔心反而係冇巴士返屋企。
4. 喜歡行山唔怕悶
愛丁堡有山有水，住慣香港的，可以隨時行山，以往在香港的時候住馬鞍山，一落樓已是海邊的海濱長㾿，嚟到愛丁堡，也是一個多山水的地方，無論行山或到河邊、海邊的地方，都非常方便。
5. 這是一個非常方便的城市
愛丁堡地方不大，基本上巴士已經可以幫助出入，而幸運地我初期選擇租住的地方，更加在十多分鐘內已經可以去到市中心。一般來說，附近亦都不難找到一個大型的超級市場。
總括來說，雖然之前從來未踏足過愛丁堡，來到這裏生活之後，一點沒有太陌生的感覺，越來越覺得這是一個美麗的城市，亦都可以感受到一個可以生活的地方。
後話：愛丁堡不是沒有缺點，例如租金越來越貴，後我都有少少不同想法，遲下再分享。
推介文章：
