我係馬莎忠實粉絲，喺香港嘅時候都經常去逛逛。嚟到英國見到食物比香港平好多，自然開心到不得了，不過，近年物價真係貴咗好多，次次去價錢都唔同，所以就本住慳得一蚊得一蚊精神，搵吓有乜嘢慳錢方法，今次同大家分享馬莎買野慳錢經驗。
馬莎超市6個慳錢方法
1 掃黃標
每次去馬莎都會四圍行，掃下有冇黃色貼紙的特價食品，特別係生果同麵包，比較容易搵到平價就到期的食品，其實好似麵包咁，即使過咗食用日期，捱多幾日都未見變壞。或者慢慢食，留一半入冰霜，都可以放耐啲。
2. 門口特價蔬果
一般超市都會把最新的特價蔬果放在門口顯眼處，馬莎都唔例外，入口處(一般在放購物藍附近)會擺放特價蔬果，如蜜瓜、 蕃茄仔，牛油果等等，價錢比平時可以平兩、三成。
3. 手機app:Sparks
好多人覺得下載馬莎app冇乜用，買野唔可以儲積分，不過，佢間中有優惠及有野送，試過免費送牛油果、豬仔糖，以及牛角包一個，較常見係八五拆買個別類型食品，如自己品牌的生果、 凍肉等。
方法：打開手機Sparks程式 》按一下面 “Sparks” 》 下面見到 “new offers”就係。
4. 留意收條的價惠碼
以前去馬莎，在購物的收條不時見到印上：下次購食物滿40鎊送5鎊 ，在馬莎一次過買40鎊應不太難。不過近期比較少見呢類優惠。點都好，大家日後去佢地超市記得留番張收條睇下。
5. 大批買
佢地唔少貨品都鼓勵你買多啲，例如三文魚咁12鎊三件(早前仲係10鎊三件😫)，如果逐件買就要五鎊，我當然忍唔住手，一掃就三件。
6. Meal deal
即係買主菜、配菜加埋甜品等，成set買，都會扺過逐件買，這都是一般超市最熱門的優惠。
總括嚟講，雖然馬莎的食物走中價路線，比其他大超市貴，但減起價來，都好吸引，特別佢地啲食物質素有保證，大家有時間，不妨唸下點樣把手上啲錢，發揮最大效用。
推介文章：
