歐洲各國防疫限制逐漸撤銷，本以為可以好似香港咁，經常去鄰近地方玩一下，特別是去歐洲機票好平，隨時平過搭火車，可是近日從希臘回到愛丁堡，足足花了我6日時間，先可以認番晒啲行季😫。
希臘回到愛丁堡，落機時已經差不多晚上11時半，比原定時間遲了差不多1小時，走去認領行李時，已經知道形勢不妙，見到輸送帶附近大量沒有人認領啲行李，堆積如山。我同朋友白等了一個多小時，到凌晨1:30 先至聽到廣播請大家離開，明天中午過後去到附近的認領點，搵番自己的行季。
第二日中午，果日差不多是英國最熱的日子，陽光下在戶外搵行季，搵唔到就要等下一批來來回回的行季車，睇下載過來的行季會唔會有你份。
烈日當空下，我哋等了三小時，佢地又話今日再冇行季送過來，叫我們明天繼續。
第三天去到，佢哋話已經改咗地點，叫我哋第二日去新地點搵行季。
第四天去新的認領點，但只搵到一件，行季未齊，佢話最好隔一日再來，比佢地多啲時間做野。
第六日去，先可以認番晒啲行季。
每次來回機場搵行季，交通費都要10鎊，仲要烈日當空分別由機場行16幾分鐘來回。
這個經驗真的好難忘，見到日日都有新聞話歐洲各地機場、港口、關口出現大混亂，這個暑假假旅遊不容易😫，我下個月又要遠行，唔知到時又點😢。
