科技發達，今時今日可以足不出戶，搵到一個城市的詳細資料、圖片、影像，不過這都是紙上談兵，跟實地探訪，感覺上可以好唔同。
展開[蘇格蘭之旅]前，做的resarch不多，都是邊去實地旅遊、邊睇資料，所謂第一大城市、第二大城市、第三大…，人口幾多、就業率等，都是冷冰冰的硬數據。
兩次遊Glasgow感覺不同
在香港研究去哪裡定居的時候，首選是Glasgow，次選是Edinburgh，因為是蘇格蘭的第一大和第二大城市。當中㨂中Glasgow作為首選，因為資料顯示，生活及租金指數較低，又是大城市。其後因為疫情管控關係，去到愛丁堡後，在Glasgow訂了Airbnb都唔能夠成行。之後一住落咗愛丁堡就唔多想走😅。
一年多後才正式過去Glasgow一日遊，遇上周末四處無人，店舖無開，一天遊的感覺頗差，滿街雜物，好似好亂咁。但今次[蘇格蘭之旅]第二站是Glasgow，住了兩星期，感覺唔同晒，平日的Glasgow其實係充滿人氣和活力。
Glasgow的賣點
Glasgow對我最大的吸引地方是對外、對內的交通都方便，火車網絡可以觸及好多其他的主要城鎮，車程也不太遠，這是其地的方(愛丁堡除外)不及的。
另一個吸引地方是生活方便，到市中心想買乜都易，想食中餐、西餐、日式食品，統統都唔難搵，買各類的日用品都比其他城市方便。
工作機會多亦都係Glasgow的賣點，在Glasgow期間，跟愛丁堡移居過來的朋友的朋友傾過，佢地都係因為工作關係，所以搬咗去Glasgow住。
事實上，要找租金更平的城市，Glasgow唔需要係首選，如果想住一啲人氣多、容易跟朋友聚腳地方，或者希望有大城市的方便、搵工較易，八大城市中，Glasgow會是首選，所以在不少的social media討論中，不少的蘇格蘭或英國人，特別是年輕一族，都鐘意住Glasgow，放工後搵人去吧吹水、睇戲、行街、食飯都易啲。
當然Glasgow也有不少的問題，如治安較差，日照的日子較少，天氣冇愛丁堡咁好…
*** *** *** *** ***
相關文章：
推介文章系列：
[蘇格蘭之旅。尋找宜居之地]
記得follow我嘅facebook專頁😊
